Rajah

 Rajah Pamuka

Sampurasun.....

Amit ampun nya paralun, ka Gusti nu maha suci....

Neda pangjiad pangraksa abdi kempel Seuweu Siwi...

Seja ngaguar Laratan...Titis waris Padjajaran

Ngembatkeun jalan Laratan katampian Geusan mandi

ka Leuwi Sipatahunan, Leuwi nu ngaruncang diri-diri manusa kiwari

Rék muru lulurung tujuh ngahiap ka Padjajaran

Bongan hayang pulang anting

Padungdengan-padungdengan jeung usikna pangacian

Ahung...ahung....ahung....

Sampurasun karumuhun ka Hyang Prabu Siliwangi...

Nu murba di Padjajaran..pangaoban Seuweu Siwi

Nu Gelar di Tatar Sunda

Muga nyebarkeun wawangi...

Ahung....ahung....ahung....

KIDUNG PANGLOKAT

Run turun, bayu tresna, bayu asih...

Bayu mawa Kawaluyaan..

Bayu mawa Kaélingan, Sakur nu kaliliwatan...

Sakur nu katitincakan.

Ku urang buka tutungkusan nu kahalang kupipinding

Dina gebang séwu lontar...dina tulis titis tulis maca uga na waruga

Atra setra kanti sukma...

Run turun Jati Rahayu

Gelaran banjaran bagja

....cag...

Rampés...